قهر

الغائب محروم 

والحاضر معذب 

والعشق قهر

بوح

كبوح غريبين التقيا في محطة القطار .. 

قالا 

حتي نفذ الكلام ..

عين المحبة

انت لاتعيشني الا قليلا 

فمابالك لو عشتني اكثر ؟؟ 

ونهلت من عين محبتي واغترفت 

وتذوقت شهدي والتهمت 

وانصت لنغمات روحي وطربت

وشممت نسيم روحي وافقت

وارتويت بمحبتي وسكرت

واقتربت اكثر وسكنت 

 

عطش

لا تمنحني الا بعضك 

فتسحرني 

مابالك لو منحتني كلك وافضت ؟؟ 

اتشفق علي من حنو قربك ؟؟ 

اتخاف علي قلبي المشتاق من فيضان وصلك ؟؟  

وقتما تغدق بكلك علي روحي العطشي 

ارتواءا وهناء  

نجاه

لاينجيك من وجع الشوق 

الا وصل الحبيب 

يقين ..

الحب ... يقين 

الوطن انت ..

انت الوطن

خريطة وبشر

بحر ونيل وغيطان واسعة وضل شجر

حضن وبهجة  وونس

نخل وقمح وليالي سهر

زهر وورد وضي قمر

بيت شعر مكسور لكن  براح

معانيه شمس ودفا

ضحك العيله ملون حيطانه بلون الفرح

نغمة هربت من سلمها الموسيقي

تشارك الفرحانين الرقص في الشارع

وهما بيلموا نقطه الفرح 

صورة ابيض واسود مليانه ابتسامات

لاطفال واقفه يوم العيد علي شط النيل

عامله احلامها مراكب  

ابتسامتك تشبه هلال رمضان ليلة الرؤية

وساعات تشبه طيارة ورق علي شط البحر

عينك متكحلة بالفرحه في سبت النور

وساعات بتخوف زي نظره احمس في عز الغضب

حنانك جارف زي المطرة في عز السيل

نسيمك منعش زي عبير سبتمبر

شقاوتك زي موج البحر وصدف الودع

غضبك  زي كوابيس الليل

زي الاحساس المرعب جوه المخبأ وقت الحرب

زي موسيقي نشره الاخبار

انت الوطن

وانا اللي ليك بانتمي

وبارفع اسمك فوق راسي 

وبيك احتمي

الوطن انت 

وانت الوطن 

معادلة

اللي يعيش ياما يتوجع
واللي يتوجع مابيعرفش يعيش ..

حلمي

وكل يوم حلمي ينكسر
وكل يوم اقول لنفسي احلمي تاني
بكرة حيبقي حقيقة مش حلم
وبكرة ... تاني حلمي ينكسر ...

مذاق خاص

بمذاق شفتيك احتسي قهوتي
وكفاني سعادة ...

اشياء اخري

الحياة .. نحن والعشق
واشياء اخري لا تعنينا

فيض الشوق

الح عليك بحبي
اغويك واشاكسك
اقرأ عليك بعض القصائد
امطرك بقبلاتي والورود
اتصورك اتيت والعشق
اعيش معك ونس
الحياة المؤجلة بدونك
تجتاحني السعادة
ويفيض الشوق
فألح عليك اكثر واكثر
لتأتي ..
وتأتي ....